ប្រវត្តិក្រុមហ៊ុន

អូ.ភី.អាយ (O.P.I) ជាអក្សរកាត់ ដែលមានពាក្យពេញជាភាសាខ្មែរថា ឱកាស វិនិយោគ អចលនទ្រព្យ (Opportunity Properties Investment) ។ 

ពាក្យស្លោករបស់ក្រុមហ៊ុន៖ ក្រុមហ៊ុន អូ.ភី.អាយ រៀលធី គឺជាក្រុមហ៊ុនផ្ដល់សេវាកម្មអចលនវត្ថុ ដែលលោកអ្នកជឿទុកចិត្ត!

ក្រុមហ៊ុន អូ.ភី.អាយ រៀលធី ឯ.ក ត្រូវបានបង្កើតឡើង នៅក្នុងខែវិច្ឆិកា ឆ្នាំ២០២១ ជាក្រុមហ៊ុនភ្នាក់ងារអចលនវត្ថុឯករាជ នៅក្នុងប្រទេសកម្ពុជា។ ក្រុមហ៊ុន អូ.ភី.អាយ ផ្ដល់សេវាកម្ម ប្រឹក្សាយោបល់ ទិញ លក់ ជួល និងវាយតម្លៃអចលនទ្រព្យ ទូទាំង ២៥ ខេត្តក្រុង។ 

ក្រុមហ៊ុន អូ.ភី.អាយ ត្រូវបានបង្កើតឡើងដោយលោក ភួង រស្មី ដែលលោកមានបទពិសោធន៍ចំនួន ១៥ឆ្នាំក្នុងវិស័យអចលនទ្រព្យ និងលោកស្រី ទឹង ទិវិច្ឆិកា ជាដៃគូ ដែលលោកស្រី មានបទពិសោធន៍ជាង ៥ឆ្នាំ នៅក្នុងវិស័យអចលនទ្រព្យ រួមទាំងការទិញ លក់ ជួល និងភ្នាក់ងារអចលនទ្រព្យ។ ក្រុមហ៊ុន អូ.ភី.អាយ ទទួលបានអាជ្ញាប័ណ្ណពីក្រសួងសេដ្ឋកិច្ច និងហិរញ្ញវត្ថុ លេខ E-22-393 សម្រាប់ភ្នាក់ងារអចលនវត្ថុ និងលេខ V-22-393 សម្រាប់ភ្នាក់ងារវាយតម្លៃអចលនវត្ថុ។​

ក្រុមហ៊ុន អូ.ភី.អាយ បានចាប់ផ្ដើមឡើងនៅចំពេលដែលស្ថានភាពសេដ្ឋកិច្ចមានភាពលំបាក ហើយក្រុមហ៊ុន បានរៀបចំបង្កើតប្រព័ន្ធគ្រប់គ្រងទិន្នន័យ និងកម្មវិធីទូរស័ព្ទដៃ ដើម្បីគ្រប់គ្រងទិន្នន័យអចលនទ្រព្យ ដែលប្រមូលដោយបុគ្គលិករបស់ខ្លួនផ្ទាល់។ 

ដោយធនាគារ និងអ្នកផ្ដល់កម្ចីឯកជន ត្រូវការក្រុមហ៊ុនវាយតម្លៃអចលនទ្រព្យ​ ដែលមានបទពិសោធន៍ និងសមត្ថភាពខ្ពស់ ប្រកបដោយវិជ្ជាជីវៈ ក្រុមហ៊ុន អូ.ភី.អាយ មានអាជ្ញាប័ណ្ណវាយតម្លៃអចលនវត្ថុ និងលោក សាន្ដ សុភក្ដី ដែលមានបទពិសោធន៍វាយតម្លៃអចលនវត្ថុជាង ១០ឆ្នាំ ជានាយកផ្នែកវាយតម្លៃអចលនវត្ថុ។ 

 ក្រុមហ៊ុន អូ.ភី.អាយ ទទួលបានអាជ្ញាប័ណ្ណពីក្រសួងសេដ្ឋកិច្ច និងហិរញ្ញវត្ថុ ជាក្រុមហ៊ុនភ្នាក់ងារអចលនវត្ថុ នៅខែឧសភា ឆ្នាំ២០២២ និងអាជ្ញាប័ណ្ណ ជាក្រុមហ៊ុនវាយតម្លៃអចលនវត្ថុ​ នៅខែកញ្ញា ឆ្នាំ២០២២។